Marcos Esmorís, alumno do IES Eduardo Pondal de Ponteceso, acadou o quinto posto no concurso estatal “Canguro Matemático”. Este estudiante de 2º de Bacharelato, é un dos cinco gañadores desta proba que se celebra anualmente na maioría dos institutos de España. 

Os campións disfrutarán dun campamento en Fresno de La Fuente (Segovia) e recollerán o seu premio o 21 de xuño na celebración que será en Burgos. Dende o IES pontecesán celebran por segundo ano consecutivo a clasificación dun dos seus alumnos neste torneo, xa que o curso pasado Alexander Costa obtivera un quinto posto empatado co terceiro.